Величит душа Моя Господа, и возра́довася дух Мой о Бо́зе Спасе Моем. Честне́йшую херуви́м и сла́внейшую без сравнения серафим, без истления Бога Слова рождшую, сущую Богородицу, Тя величаем. Яко призре́ на смирение рабы Своея́, се бо от ныне ублажат Мя вси ро́ди. Честнейшую херувим и сла́внейшую без сравнения серафим, без истления Бога Слова рождшую, сущую Богородицу, Тя величаем. Яко сотвори́ Мне величие Сильный, и свято имя Его, и милость Его в ро́ды родо́в боящимся Его. Честнейшую херувим и сла́внейшую без сравнения серафим, без истления Бога Слова рождшую, сущую Богородицу, Тя величаем. Сотвори́ державу мышцею Своею, расточи́ гордыя мыслию сердца их. Честнейшую херувим и сла́внейшую без сравнения серафим, без истления Бога Слова рождшую, сущую Богородицу, Тя величаем. Низложи́ сильныя со престол, и вознесе́ смиренныя; алчущия исполни благ, и богатящияся отпусти тщи. Честнейшую херувим и сла́внейшую без сравнения серафим, без истления Бога Слова рождшую, сущую Богородицу, Тя величаем. Восприя́т Израиля отрока Своего, помянути милости, якоже глаго́ла ко отце́м нашим, Аврааму и семени его даже до века. Честнейшую херувим и сла́внейшую без сравнения серафим, без истления Бога Слова рождшую, сущую Богородицу, Тя величаем.
Слава Тебе, Показавшему нам свет! Слава в вышних Богу, и на земли мир, в человецех благоволение. Хвалим Тя, благословим Тя, кланяемтися, славословим Тя, благодарим Тя великия ради славы Твоея. Господи, Царю Небесный, Боже, Отче Вседержителю, Господи Сыне Единородный, Иисусе Христе, и Святый Душе. Господи Боже, Агнче Божий, Сыне Отечь, вземляй грехи мира, помилуй нас. Вземляй грехи мира, приими молитву нашу. Седяй одесную Отца, помилуй нас. Яко Ты еси Един Свят; Ты еси Един Господь, Иисус Христос, в славу Бога Отца, аминь. На всяк день благословлю Тя и восхвалю имя Твое во веки, и в век века. Сподоби, Господи, в день сей без греха сохранитися нам! Благословен еси, Господи Боже отец наших, и хвально и прославлено имя Твое во веки, аминь. Буди, Господи, милость Твоя на нас, якоже уповахом на Тя. Благословен еси, Господи, научи мя оправданием Твоим (трижды). Господи! прибежище был еси нам в род и род. Аз рех: Господи! помилуй мя, исцели душу мою, яко согреших Тебе. Господи! к Тебе прибегох: научи мя творити волю Твою, яко Ты еси Бог мой, яко у Тебе источник живота, во свете Твоем узрим свет. Пробави милость Твою ведущим Тя! Святый Боже, Святый Крепкий, Святый Безсмертный, помилуй нас! (трижды). Слава Отцу и Сыну и Святому Духу, и ныне и присно и во веки веков, аминь. Святый Безсмертный, помилуй нас. Святый Боже, Святый Крепкий, Святый Безсмертный, помилуй нас!
Великое славословие протоиерей Димитрий Кувырталов «Слава Тебе, Показавшему нам свет» – этим возгласом в конце всенощного бдения древняя Церковь приветствовала начало нового дня. Великое славословие – одно из древнейших песнопений Церкви – прославляет Бога Творца, Промыслителя, Искупителя, Спасителя и Жизнодавца. В этом возвышенном и торжественном песнопении мы хвалим, благословим, покланяемся, славословим и благодарим Бога. Здесь мы исповедуем Божественные Имена, через которые, как через солнечные лучи, нас касается Божественная теплота, радость и сила. Центральная часть Славословия – это история нашего спасения, совершенного Иисусом Христом не за наши заслуги, а по неизреченной и непостижимой милости Божией к нам. «Во свете Твоем узрим свет». Заканчивается Славословие великим ликованием. Человек, исполненный греховного мрака, просвещается чувством Божественного присутствия. Становясь светом, он видит себя рядом с Богом непросвещенным мраком; осиянный благодатью Божией, становится способным лицезреть Бога – «Во свете Твоем узрим свет! Продли, Господи, милость Твою знающим Тебя». Церковь знает три вида моления – прошение, благодарение и славословие. Когда душа исполнена милостей Божиих, когда она благодарит Бога за все, ниспосылаемое ей, тогда она в благоговейном восторге славословит, поет и превозносит Живоначальную Троицу. Поэтому Великое Славословие заканчивается пением Трисвятого. Человек не может жить без Бога, человек сроден Богу. Бог соделал нас Собой… Человек славословит Бога, навыкая райскому состоянию души.
Благословен еси, Господи, научи мя оправданием Твоим. Ангельский собор удивися, зря Тебе в мертвых вменившася, смертную же, Спасе, крепость разоривша, и с Собою Адама воздвигша, и от ада вся свободша. Благословен еси, Господи, научи мя оправданием Твоим. Почто мира с милостивными слезами, о ученицы, растворяете? Блистаяйся во гробе Ангел мироносицам вещаше: видите вы гроб и уразумейте, Спас бо воскресе от гроба. Благословен еси, Господи, научи мя оправданием Твоим. Зело рано мироносицы течаху ко гробу Твоему рыдающа, но предста к ним Ангел и рече: рыдания время преста, не плачите, воскресение же апостолом рцыте. Благословен еси, Господи, научи мя оправданием Твоим. Мироносицы жены с миры пришедша ко гробу Твоему, Спасе, рыдаху, Ангел же к ним рече, глаголя: что с мертвыми живаго помышляете? Яко Бог бо, воскресе от гроба. Слава: Поклонимся Отцу и Его Сынови, и Святому Духу, Святей Троице во едином существе, с Серафимы зовуще: Свят, Свят, Свят еси, Господи. И ныне: Жизнодавца рождши, греха, Дево, Адама избавила еси, радость же Еве в печали место подала еси, падшия же от жизни к сей направи из Тебе воплотивыйся Бог и Человек. Аллилуиа, Аллилуиа, Аллилуиа, слава Тебе, Боже. (3 раза).