Господи, воззвах к тебе, услыши мя; вонми гласу моления моего, внегда воззвати ми к тебе. Да исправится молитва моя яко кадило пред тобою; воздеяние руку моeю, жертва вечерняя.
Положи, Господи, хранение устом моим и дверь ограждения о устнах моих. Не уклони сердце мое в словеса лукавствия, непщевати вины о гресех с человеки делающими беззаконие; и не сочтуся со избранными их.
Накажет мя праведник милостию и обличит мя, eлей же грешнаго да не намастит главы моея; яко eще и молитва моя во благоволениих их. Пожeрты быша при камени судии их; услышатся глаголи мои, яко возмогоша.
Яко толща земли проседеся на земли, расточишася кости их при аде. Яко к тебе, Господи, Господи, oчи мои; на тя уповах, не отими душу мою;
Cохрани мя от сети, юже составиша ми, и от соблазн делающих беззаконие. Падут во мрежу свою грешницы; eдин eсмь аз, дондеже прейду.
Источник: http://www.pravoslavieto.com/bogosluzhenie/pesnopenija/CS.htm |